Dars jamlanmasini tuzishda o‘zbek tili bo‘yicha yaratilgan turli darslik va manbalarga tayanildi. Shuning uchun qo‘llanmani tuzuvchilar o‘zlarini muallif emas, balki musannif sifatida e’tirof etishadi. Qo‘llanma maktab o‘quvchilari, akademik litsey, kasb-hunar kolleji talabalari, ona tili o‘qituvchilari, oliy o‘quv yurtiga kirish uchun tayyorlanayotgan abituriyentlar hamda barcha qiziquvchilar uchun mo‘ljallangan.