– Axı elmi nöqteyi-nəzərdən bu mümkün deyil!
– Əksinə.
– Çox qəribədir.
– Həmişə olduğu kimi, Hastinqs, siz ağıllısınız, lakin, suyun səthində üzürsünüz. İllər sizi dəyişdirməyib! Siz özünüz də fərqinə varmadan faktları müşahidə edir və izah edirsiniz!
Mən çaşqınlıq içərisində gözlərimi döyərək Puaroya baxdım. O, heç bir söz demədən yataq otağına keçdi, əlində şüşə qabla geri qayıtdı və şüşəni mənə uzatdı. Mən hələ də heç nə anlamadan şüşə qabı əlimə aldım. Onun üzərində yazılmışdı: “Revivit. Saçların təbii rəngini bərpa edir. Boyayıcı deyil! Beş çaları var: kül rəngi, şabalıdı, qızılı, qəhvəyi, qara”.
– Puaro! – mən