Qoʻlingizdagi kitobda mening hali unchalik uzun boʻlma— gan hayot yoʻlim aks etgan. Bu badiiy asar yoki monografiya emas. Ushbu kitobni oʻqigan yoshlarimiz oʻzlariga ozgina boʻlsa-da, motivatsiya olsalar, faqat xursand boʻlaman. Xato (imlo, stilistik va hokazo), kamchiliklarga duch kelsangiz, aybga buyurmaysiz.
Kitob ustida ishlash jarayonida turli fikrlar boʻldi. «Kerakmi shu, bunaqa kitoblar chiqmagan, agar chiqsa, ertaga boshingga balo boʻlmaydimi, darrov yomonlikka burishmaydimi…» degan xavotir, shubhalar ham tugʻildi. Biroq shaxsiy fikrimcha, agar koʻngil toza, maqsad xolis boʻlsa, Allohning Oʻzi asraydi.
Bunday kitoblar bizning yurtda ham shov-shuvli yangilik emas, odatiy hol sifatida, koʻp boʻlishi kerak. «Kitob oʻqi!», deb targʻib qilsag-u, lekin yangi(cha) kitoblarni chop etishga qoʻrqib oʻtirsak, oʻtiraveramiz. Hayotim davomida koʻp holatda Allohga tavakkal qilib, shu bugungi darajaga yetib keldim. Bu safar ham xuddi shunday qilaman. Nima boʻlsa — peshonadan.
Pandemiya davrida, uyda bekor oʻtirganda, shu kitobni yo— zishni Alloh koʻnglimga soldi. Yaxshilikka boʻlsin ilohim.
👍Layak dibaca💡Banyak pelajaran💧Menyentuh